Kabinet Indonesia Bersatu-2 & ‘Ndang Adong Nanggo Sada Be Hita-2

Na sogot di pardalanan laho tu kantor, hupatinggil do si pareonku tu barita na pinaboa ni penyiar radio i, i ma angka goar ni halak na masuk tu kabinet ni paresiden SBY tu taon 2009-2014. Songon naung taboto, na bodari pukul 10 do dipaboa SBY di Istana Merdeka, i ma boa-boa na parjolo.

Nang pe di piga-piga hali punguan halak Batak na Karisten – isara ni partangiangan nang pe di parsermonan – sanga do adong na manghatai taringot tu sihol ni roha asa adong ma nian sian “hita” (lapatanna: Batak jala Karisten muse …) na masuk gabe menteri. Di bagas rohangku, sai adong do soara na mandok: “Ndang mungkin i, ai so pos roha ni si SBY tu hita”. Dibahen i, tingki sae umbege angka goar i na sogot, ndang pola tarsonggot be ahu.

“Kabinet minus-hita” ndang apala on dope na parjolo. Saleleng gabe paresiden, ndang hea dope dipamasuk SBY hita gabe menteri. Taon na salpu nunga be huarsakhon taringot tu son, i ma marhite karikatur di https://tanobato.wordpress.com/2008/12/11/ndang-adong-ianggo-sada-pe/ Ndang Adong Nanggo Sada (111208)Ala masa do muse songon i di bagasan sadari on (nang tu lima taon haduan …), ninna rohangku porlu do muse pinamasuk asa lam tamba hita na umbotosa.

Aha do alana? Dia do parbonsirna? Ingkon ise do na mansoarahon hasiholan ni roha angka halak Batak na Karisten di negaranta on? HKBP? Punguan marga-marga? Punguan raja-raja adat? Tarimang-rimangi ma di bagasan rohanta be … 

Las huhut ma taboan di tangiangta asa dipangke Debata nasida gabe ula-ula ni Debata laho pasauthon lomo ni roha-Na. Marpos ni roha ma hita di si …   

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s